4

കു​ന്നും​കൈ: പ​ര​പ്പ​ച്ചാ​ൽ പാ​ല​ത്തി​നു സ​മീ​പ​മു​ള്ള അ​പ​ക​ട​വ​ള​വി​ൽ ലോ​റി പു​ഴ​യി​ലേ​ക്കു മറിഞ്ഞ് മൂ​ന്നു പേ​ർ​ക്ക് പ​രി​ക്ക്. ഗു​രു​ത​ര​മാ​യി പ​രി​ക്കേ​റ്റ കാ​ഞ്ഞ​ങ്ങാ​ട് ഞാ​ണി​ക്ക​ട​വ് സ്വ​ദേ​ശി അ​ഷ്ക​റി​നെ​യും ലോ​റി ഡ്രൈ​വ​ർ ത​മി​ഴ്നാ​ട് സ്വ​ദേ​ശി വ​ര​ദ​രാ​ജി​നെ​യും കാ​സ​ർ​ഗോ​ഡ് മിം​സ് ആ​ശു​പ​ത്രി​യി​ലും സാ​ര​മാ​യി പ​രി​ക്കേ​റ്റ ഞാ​ണി​ക്ക​ട​വ് സ്വ​ദേ​ശി മൊ​യ്തു​വി​നെ നീ​ലേ​ശ്വ​ര​ത്തെ സ്വ​കാ​ര്യ ആ​ശു​പ​ത്രി​യി​ലും പ്ര​വേ​ശി​പ്പി​ച്ചു.

ഇ​ന്ന​ലെ രാ​വി​ലെ എ​ട്ടോ​ടെ​യാ​യി​രു​ന്നു അ​പ​ക​ടം. ത​മി​ഴ്നാ​ട്ടി​ൽ നി​ന്ന് ജൈ​വ​വ​ളം ക​യ​റ്റി​വ​ന്ന ലോ​റി പ​ര​പ്പ​ച്ചാ​ൽ ഇ​റ​ക്ക​ത്തി​ൽ നി​ന്നു പാ​ല​ത്തി​ലേ​ക്ക് ക​യ​റു​മ്പോ​ൾ നി​യ​ന്ത്ര​ണം വി​ട്ട് പു​ഴ​യി​ലേ​ക്ക് വീ​ഴു​ക​യാ​യി​രു​ന്നു. വേ​ന​ൽ​ക്കാ​ല​മാ​യ​തി​നാ​ൽ പു​ഴ​യി​ൽ കാ​ര്യ​മാ​യി വെ​ള്ള​മു​ണ്ടാ​യി​രു​ന്നി​ല്ല. ര​ണ്ടു വ​ർ​ഷം മു​മ്പ് ഇ​തേ സ്ഥ​ല​ത്ത് സി​മ​ന്‍റ് ക​യ​റ്റി​വ​ന്ന ലോ​റി നി​യ​ന്ത്ര​ണം വി​ട്ടു മ​റി​ഞ്ഞ് ഒ​രാ​ൾ മ​രി​ച്ചി​രു​ന്നു.

അ​ന്നു ത​ന്നെ ഒ​രു ഗ്യാ​സ് ലോ​റി​യും ഇ​വി​ടെ​നി​ന്ന് പു​ഴ​യി​ലേ​ക്ക് വീ​ണി​രു​ന്നു. പാ​ല​ത്തി​ലേ​ക്ക് പ്ര​വേ​ശി​ക്കു​ന്ന​തി​നു​മു​മ്പ് ഇ​രു​വ​ശ​ങ്ങ​ളി​ലു​മു​ള്ള കൊ​ടും​വ​ള​വു​ക​ളും കു​ത്ത​നെ​യു​ള്ള ഇ​റ​ക്ക​വു​മാ​ണ് അ​പ​ക​ട​ങ്ങ​ൾ​ക്കി​ട​യാ​ക്കു​ന്ന​ത്. വ​ള​വു​ക​ൾ നി​ക​ത്തി​യും ഇ​റ​ക്കം കു​റ​ച്ചും വീ​തി കൂ​ട്ടി​യും ഇ​വി​ടെ പു​തി​യൊ​രു പാ​ലം നി​ർ​മി​ക്ക​ണ​മെ​ന്ന ആ​വ​ശ്യം ഏ​റെ നാ​ളാ​യി ഉ​യ​രു​ന്ന​താ​ണ്.